Beşîktaş, Fenerbahçe û Galatasarayê biryar dan ku tûrnûvaya futbolê li dar bixin û hemû dehatûya xwe ya beriya sezona nû, ji bo mexdûrên erdhejê bexş bikin.

Piştê erdhejên ku navenda Mereşê wêraniyên mezin pêk anîn û li 11 bajaran zêdeyî 45 hezar kes jiyana xwe ji dest dan, xebatên alîkariyê yên klûbên Lîga Superê berdewam dikin. Ji bilî piştgiriya Beşîktaş, Fenerbahçe û Galatasarayê ku sê tîmên mezin ên Lîga Superê ne, hat ragihandin ku ji bo piştgiriya mexdûrên erdhêjê di havînê de jî wê tûrnûvayek bê tertîpkirin.