Bihayên şekir ku di meha Adarê de ji sedî 31 û di meha Hezîranê de jî ji sedî 36-66 zem lê hatibû kirin, îro careke din jê re zem hat.

Fabrîqeya Şekir ya Tirkîye, nirxê şekir ji sedî 8 zêde kir. Tê bendêkirin ku ev zêdebûn di rojên pêş de wê li sûkê jî derkeve holê û bi bandor be.

Piştê ku şekir ji sedî 8 zêde bû, bihayê çewalekî şekir ê 50 kîlo ji 750 lîreyê derket 810 lîreyan.

Li gor nûçeya Îrfan Donat a (blumberght)Bloomberght, hat dîyarkirin ku bihayê kîloya şekirê navxweyî ji 15 lîreyan derketîye 16 lire û 20 quruşan û hat dîyarkirin ku ji vê bihayên şekir re hê wê KDV jî lê bê zêdekirin.

Di malpera fermî ya sazîya Fabrîqeya Şekir ya Tirkîye de ev qerara zem û bihabûnê hê nehatîye weşandin.