Hat dîyarkirin ku ji ber hişkesalîya li herêma başûrê rojhilat, dibe ku debr û çinîna berhemên îsal kêm bibe.

Serokê Navenda Genim a Qoserê Mehmet Şerîf Oter, eşkere kir ku hişkesalî derketîye asteke cidî û dîyar kir ku wê di meha Nîsanê de rewş zelaltir bibe. Oter, dîyar kir ku ji bo têrkirina tovê ku şîn dibe, vê gavê pêwîstî bi baranê heye û wiha got: "Heke di mehên adar û sibatê de baran nebare wê ev pirsgirêk bidome. Heke baran nebare ne tenê li Mêrdînê, li tevahîya herêma Başûrê Rojhilatê Anadoluyê wê debr û çinîn dakeve binê ji sedî 50yî.