Seroka Bankaya Navend ya Komara Tirkîyeyê (CBRT) Hafîze Gaye Erkan, dîyar kir ku wan texmînên enflasyonê yê dawîya sala 2023an, ji sedî 22.3 derxistine ji sedî 58.

Erkan, di civîna agahdarî ya ku ji bo pêşvebirina Rapora Enflasyonê ya 2023an hat lidarxistin de pêşkêşîyek kir û pêşbînîyên xwe yên enflasyonê yên sala 2025an parve kir.

Erkan got, "Ji ber tedbîrên diravî û malî, enflasyon wê di demeke kin de zêdebûneke demkî nîşan bide" û wiha dewam kir, "Em bi baldarî zemînê datînin ku di sala 2024an de dest pê kirina domdar a kêmkirina enflasyonê bikin. Dema ku serdema kêmkirina enflasyonê bikeve, wê li şûna sererastkirinên demkî, aramîya rêjeya danûstendinê, başkirina hevsengîya hesabê heyî, dîsîplîna darayî, bihêzkirina daîmî ya herikîna sermayeyê û zêdebûna rezervan were guhertin. Me pêşbînîya xwe ya enflasyonê ya dawîya sala 2023-an ji sedî 58 zêde kir.”