Lêpirsîna ku Serdozgerîya Komarê ya Amedê, derbarê Hevserokê Giştî yê DBP'ê Keskîn Bayindir de dabû dest pê kirin bi dawî bû.

Bayindirê ku di 23ê kanûnê de hatibû binçavkirin û di 27ê kanûnê de li Amedê bi tevlî 14 serokên bajarên partîya xwe hatibû girtin, bi endamtîya rêxistinê tê sûcdarkirin. Di encama lêpirsînê de îdianameya ku ji Bayindir re heta 15 salan cezayê girtîgehê tê xwestin, ji alîyê 10emîn Dadgeha Cezayê Giran a Amedê ve hat qebûlkirin. Heyeta dadgehê dîyar kir ku wê danişîna yekemîn roja 22'ê Adarê de bê kirin.