9 Lijneyên Koordînasyona bajaran ên TMMOBê ku Koordînasyona TMMOB'ê ya Amedê jî di nav de ye, bertek nîşanê binçavkirinên 25'ê Nîsanê yên li Amedê dan û gotin, "Em binçavkirinên keyfî û sîyasî qebûl nakin."

Derbarê lêpirsîna ku ji alîyê Serdozgerîya Komarê ya Amedê ve tê meşandin û derbarê biryara binçavkirinê ya 216 kesan de, li Odeya Endezyarên Madenê civîna çapemenîyê hat lidarxistin.

“BI SEDEM BINÇAVKIRINAN EWLEHÎYA HILBIJARTINÊ DI TALÛKEYÊ DE YE”

Endama Lijneya Rêveberîya Odeya Endezyarên Madenê Zeynep Ogûz, daxuyanîya çapemenîyê xwend û dîyar kir ku van binçavkirinan fikarên li ser ewlehîya hilbijartinê zêde kirine û wiha got, “Em weke TMMOB’ê serî li ber zihnîyeta ku serxwebûna darazê ji holê radike, pêkanînên kêfî yên li dijî rêxistinên girseyî yên demokratîk, daxwazên gelan paşguh dike em ê serî netewînin. Em careke din dîyar dikin ku divê hevalên me yên hatine binçavkirin tavilê serbest bên berdan.