Walîyê Amedê Alî Îhsan Sû, bi armanca ku derbarê pirsgirêkên bajêr de li rojnamevan guhdarî bike, bernameya "Civîna Çapemenîyê" li dar xist.  

Walî Sû di bernameyê de axivî û dîyar kir ku kesên di sektora çapemenîyê de dixebitin wek sazîyên dewletê xizmeta gel dikin. Serokê Komeleya Medyaya Herêmî û Derhênerê giştî yê weşana Amed Radyo TV Ferat Mehmetoglu, pirsgirêka dizî û ewlehîyê ya li Talaytepeya ku amûrên weşanê yên radyo û televîzyonên Amedê lê hene, ji Walî Su re ragihand. Walî Sû li pirsgirêk û daxwazên rojnameger û nûnerên çapemenîyê guhdarî kir û dîyar kir ku ji bo li Talaytepeyê tedbîr bên girtin dê bixebitin. Walî Sû, dîyar kir ku pirsgirêk û alozîyên ku di metnên nûçeyan de tên vegotin rehetîyeke mezin dide sazîyên pêwendîdar û wiha got: “Ne pêkan e ku hemû pirsgirêk yek bi yek guhdarî bikin. Dema ku em di rojname û malperên we de pirsgirêk an jî pirsgirêkek sazî û dezgehên cemawerîyê dibînin, tavilê em ji xwe re peywirek distînin.