Wezîrê Tenduristîyê Fahrettîn Koca derbarê mexdûrên erdhejê yên birîndar de agahîyên nû parve kir.

Di erdheja bi lerza 7,7 û 7,6 ya ku di 6ê sibatê da qewimîn û li 11 bajaran bandor kiribûn de, herî kêm 48 hezar û 448 kesan jîyana xwe ji dest dan û bi deh hezaran kes jî birîndar bûn.

Wezîr Koca li ser hesabê xwe yê medyaya civakî agahî da û wiha got: "Tedawîya mexdûrên erdhejê yên 9 hezar û 881 mexdûran hê jî li nexweşxaneyan berdewam dikin. Bajarên ku herî zêde birîndar lê hene; Enqere, Stenbol, Edene, Entab û Antalya ye."