Şaxa Komeleya Mafên Mirovan (ÎHD) a Amedê û Xizmên Windayan di hefteya 754’an de çalakîya “Bila windakirî bên dîtin û faîl bên darizandin” li dar xistin û li kiryarê Mesût Dundar ê di sala 1992'an de li navçeya Cizîrê ya Şirnexê hat qetilkirin hatin pirsîn.

Serokê Şaxa ÎHD'ê ya Amedê Abdûllah Zeytûn beriya çalakiyê axivî û got, “754 hefte ne ji bo lêpirsîn û darizandina sûcdarên sûcên giran ên li dijî mirovahiyê hatîye kirin, têdikoşin. Ger polîtîkayên aştiyane yên bi hiqûqê bihatana meşandin, me yê îro qala mijarên wiha nekiribana.” Endamê Lijneya Windayan a Şaxa ÎHD'ê ya Amedê Firat Akdenîz, serpêhatîya Mesût Dundar xwend û çalakî bi rêzgirtin û çalakîya rûniştinê bidawî bû.