Zehra Nur Îş a 7 salî ya ku di roja cejnê de li Êlihê di qezaya trafîkê de bi giranî birîndar bû, jîyana xwe ji dest da.

Li gor agahîyan tê dîyarkirin ku qeza li ser rêya Hal a nû, li ber Qereqola Polîsan a Kevin pêk hatîye. Keça bi navê Zehra Nur Îş a 7 salî ya ku di roja cejnê de dixwest ji rê derbas bibe, siwareya ku ji alîyê dijber ve dihat lêqelibî. Di encamê de Keça biçûk, ji gelek cihên laşê xwe bi giranî birîndar bû. Zehra Nur a ku rakirin Nexweşxaneya Perwerde û Lêkolînê ya Êlihê, li wir dihat tedawî kirin. Piştê 4 rojan, keça 7 salî jîyana xwe ji dest da. Derbarê qezayê de lêpirsîn berdewam e.