Komeleya Mafên Mirovan (ÎHD), derheqa binpêkirinên mafan ên li girtîgehan, li hemû şaxên xwe daxuyanîyeke hemwext dan çapemenîyê.

Serokê Şaxa ÎHD'ê ya Amedê Abdullah Zeytûn li Şaxa Komeleya Mafên Mirovan a Amedê axivî û bal kişand ser binpêkirinên mafan ên li girtîgehan her ku diçe zêde dibin û xwest ku dawî li îşkence û pêkanînên xerab ên li girtîgehan bê anîn. Zeytûn di axaftina xwe de xwest ku derbarê memûrên ku qedexeya îşkence û muameleya xerab binpê kirine, lêpirsînek zelal bê destpêkirin. Zeytûn dîyar kir ku divê dev ji polîtîkaya bêcezakirina pêkanînên xerab ên li girtîgehan berdin û got ku bila hemû girtîgeh ji bo kontrola sazîyên sivîl re bên vekirin.