Serokê Giştî yê partîya Devayê Alî Babacan got, "Eger HDP jî piştgiriyê bide namzetê me, em ê gelekî kêfxweş bibin."

Alî Babacan di bernameya televizyonê ya ku beşdar bû de pirsên di rojevê de bersivandin.

Babacan, di berdewamiya axaftina xwe de îşaretê HDPê kir û wiha got: “Ne tenê 6 partî, em dixwazin partîyên wekî din jî piştgirîyê bidin namzedê serokkomarîyê yê hevpar, ger HDP û partiyên din piştgiriyê bidin namzetê me yê hevpar ê serokomariyê birêz Kiliçdaroglu em ê gelekî kêfxweş bibin.

Babacan anî ziman ku helwesta wî ya li ser mijarên LGBT'yî gelekî zelal e û got; "Helwesta me ya li ser vê yekê pir û pir zelal e. Em li dijî mudaxelya dewletê ne. Em  tarzejîyana her welatîyekî weke wî qebûl dikin.”