Dadgeha Îstinafê, cezayê ku li Endama Meclisa Şaredarîya Bajarê Amedê Şehrîban Zûgûrlî hatibû birîn, xera kir.

Dadgeha Cezayê Giran a 10'emîn a Amedê, bi hinceta tev li çalakîyên Partîya Demokratîk a Gelan (HDP), protestokirina qeyûman û merasîma cenazeyan û şînan bûye û her wiha bertek nîşanê êrişa kesên ku li ber HDP'ê êriş biribûn ser endamên partîyê daye, bi îdiaya "endamtîya rêxistinê" û "astengîya li ber peywirê" 7 sal û 9 meh ceza li Endama Meclisa Şaredarîya Bajarê Amedê Şehrîban Zûgûrlî birîbû.

Zûgûrlî bi rêya parêzerên xwe serî li Dadgeha Îstinafê dabû. Dadgehê bi sedema "vekolîneke kêm" û "li dijî hiqûqê" ceza xera kir û dosyeyê car din ji Dadgeha Cezayê Giran a 10'emîn a Amedê re şand.