Konbajarên ku li Amedê li qiraxa Çemê Dîcleyê hatibû avakirin û bûbû sedema nîqaşan, hat rakirin.

Piştê erdhejên navenda wê Mereş, 4 hezar û 200 konên ku ji aliyê Şaredariya Bajarê Mezin ve hatibû avakirin, li qiraxa Çemê Dîcleyê ya li sînorê navçeya Yenîşehîr a navenda Amedê, ji rêxistinên sivîl û pisporan digel hişyariyan jî bi nirxê bi milyonan lireyî hatibûn ava kirin, hatin rakirin.. Ji ber barana zêde ya meha Adarê li Konbajaran lehî rabûbû, bi hezaran mexdûrên erdhejê hatibûn tehliyekirin. Walîtiya Amedê piştê vê yekê daxuyanî dabû, gotibû wê mexdûrên erdhêjê dîsa li heman cîh werin bi cîh kirin. Konên ku piştê xebatên tehliyekirinê, mexdûrên erdhejê lê nehatibûn danîn, îro danê sibê bi beşdariya leşkeran hatin hilweşandin. Derbarê jiholêrakirina konê ku avabûna wê bi milyonan lîreyî bû, ti daxuyanî nehat dayîn.