Di danişîna doza Weqfa Hîranûr ku bi destdirêjîya zaroka bi navê H.K.G. bû rojev, taloqî 5’ê hezîranê hat kirin.

Danişîna 3’yemîn a doza damezrînerê Weqfa Hîranûrê ya girêdayê Cemaeta Îsmaîlaga Yûsûf Zîya Gumuşel ê ku keça xwe H.K.G. di 6 salîyê de bi Kadîr Îsteklî yê 29 salî re “zewicandîye” li 2’yemîn Dadgeha Cezayê Giran a Stenbolê ya Anadoluyê ji çapemenîyê re girtî hate lidarxistin.

Di danişîna bi tespîta nasnameyan dest pê kir de, faîlên girtî Yûsûf Zîya Gumuşel û Kadîr Îsteklî û Fatma Gumuşel a bi şertê kontrola edlî tê darizandin amade bûn. Şandeya dadgehê di danişîna ku 2 şahid hatin guhdarkirin de biryar da ku şahidekî din jî bê guhdarkirin û rewşa girtîbûna faîlan bidome. Dadgehê danişîn taloqî 5’ê hezîranê kir.