Ferît Şenyaşar ku Nobeda Edaletê didomîne dîyar kir ku heke wezîrê nû berpirsîyara xwe bicîh neyîne dê pankarta “edalet” li serê nivîsandî li Meclisê daliqîne.

Nobeda Edaletê ya Malbata Şenyaşar ku ji 9’ê Adara 2021’an ve didome, di roja 805’emîn de li ber Edlîyeya Rihayê berdewam kir.  Parlamenterê Partîya Çepên Kesk ê Rihayê Ferît Şenyaşar, wiha got, “Heke Wezîrê Dadê yê nû tişta pêwîst bicîh neyîne, ez û dayika xwe em ê vê li Meclisa Enqereyê daliqînin. Em ê li ber derîyê Wezareta Dadê daliqînin. Edaleta ku dereng tê ne tu edalet e.”