Namzedê Serokomarîyê yê Tifaqa Millet û Serokê Giştî yê CHPê Kemal Kiliçdaroglû telîmat da şaxên ciwanan ên partîya xwe ku ji bo 5 milyon hilbijêrên ku cara ewil dengê xwe bidin xebatê bikin.

Li gorî vê yekê, xebatên Kiliçdaroglu yên ji bo ciwanan wê derî bi derî bên ravekirin û ji kesên ku nikarin bigihêjin re jî, name bên şandin. Her wiha Kiliçdaroglû wê bi ciwanan re jî bicive. Kiliçdaroglû derbarê mijarê de wiha got, "Ciwan weke koma ku herî zêde bendewarîya guherînê lê dixuye" û xwest, pêşnîyarên çareserîyê yên CHP'ê yên ji bo pirsgirêkên ciwanan ên ji hemû pêkhateyan bi berfirehî bên vegotin.