Serokê Giştî yê CHPê Kemal Kiliçdaroglû, ji bo civîna derasayî îro danê sibê bang li koma partîya xwe ya parlementoyê kir.

Her wiha Kiliçdaroglû, bi rêvebir û parlementerên CHPê re ji parlementoyê heta ber Wezareta Dadê meşîya û derbarê skandala îstîsmara cinsî ya zaroka 6 salî a ku di Weqfa Hîranurê de derketibû holê li ber Wezareta Dadê, bertek nîşan da û wiha pirsî, "Ev 2 sal in hûn xwe di pişt kê de vedişêrin? Ma kesên ku we wêneyan pêdane kişandin zextê li we dikin ku hûn ser vê bûyerê binuxumînin?" Kilicdaroglû; “Em êdî naxwazin desthilatdarîya sîyasî, destên polîs û dozgeran girêbidin. Em tehemulê vê tabloya derbarê neheqîyê de ye nakin. Ji ber ku ev qas problemên welêt hene, ne mimkûn e ku em ji îktîdara wezîfeya xwe pêknayîne re tehemul bikin. Sedema hatina min a Wezareta Dadê ji ber ku ez edaletê dixwazim. Ez ji bo ewladên me edaletê dixwazim.”