Di çarçoveya kontrolên di sektorên hilberînê de ku ji alîyê Wezareta Çandinî û Daristanan ve li tevahîya welat hat destpêkirin, li navendên hilberîna xwarinê yên li Amedê ji alîyê ekîbên Çandinî û Daristanan ên Bajar ve kontrol hatin kirin.

Midûrê Çandinî û Daristanê ya Bajar Mustafa Ertan Atalar, dîyar kir ku ji bo tenduristîya gel vekolîn pir girîng in û wiha got: “Me ji alîyê Wezareta xwe ve hezar û 999 kontrolên tesîsên xwarinê kirin.

Di heman demê de me zêdetirê 2700 karsazîyên têkildarê firotana girseyî jî kontrol kirin.

Em niha li qadên ku bi destûra hilberîna xwarinan dixebitin vekolîna xwe didomînin.

Ev kontrol wê heta 13ê mehê li seranserê Amedê berdewam bikin.

Di vê qonaxê de, kontrol bi taybetî di komên xwarinên xeternak ên wekê goşt, şîr û hilberên wê de girîng in. Derbarê van de em bi 115 personelên xwe re, em kontrol dikin ka li cîhên ku ev hilber lê tê çêkirin û li ku derê têne hilanîn û ji bo firotanê têne pêşkêş kirin, prosedur têne şopandin an na.

Bi vî awayê em her cure tedbîran ji bo gihîştina xwarinên tendurist didomînin.