Li herêma îdarî ya Bakurê Santander a Kolombîyayê, di goreke komî de, di tûrikên çopê de hestî û bermayîyên zêdeyê hezar kesê hatin dîtin.
Li gorê nûçeya di çapemenîya neteweyî de hat ragihandin, rayedarên ku li goristana navend ya bajarê Cucuta dikolin goreke komî dîtin.
Di lêkolînan de hat dîyarkirin ku hestîyên 1086 kes di nava 4 hezar tûrikên çopê de ne.
Di daxuyanîya ku ji alîyê Yekîneya Lêgerîna Kesên Winda (UBPD) û Dadwerîya Taybet a Aştîyê (JEP) ve hat dayîn de,
hat destnîşankirin ku hestîyên mirovan ên hatine dîtin "bi îhtîmaleke mezin" aîdî kesên di dema pevçûnê de winda bûne ne.
