Li Wanê otobusa dibistanê ji kontrolê derket û gelek xwendekar birîndar bûn. Li gor agahîyên ku hatine bidestxistin qeza li ser rêya Wan-Tatwanê li navçeya Gevaşê pêk hat.

Mînîbusa ku xwendekarê taxê tê de bûn, di encama şemitandinê ji kontrolê derket û li kêleka xwe ma. Di qezayê de 11 xwendekar birîndar bûn. Gelek ji xwendekaran li derveyê nexweşxaneyan hatin dermankirin. Lê ji wan 2 xwendekarên ku ji serê xwe û parçeyên laşê wan birîndar bûn rakirin nexweşxaneyê. Hat diyarkirin ku rewşa tenduristiyê ya birîndaran baş e, der barê qezayê de lêpirsîn hat destpêkirin.