Serokê Rûmetîyê yê Konfederasyona Yekîneyên Elewîyên Ewropayê Turgut Oker dîyar kir ku îqtîdar maf û daxwazên Elewîyan ên bingehîn nabîne û bi alîkarîyên cuzî dixwaze Elewî girêdayî dewletê bibin.

Oker berdewamîya axaftina xwe de bal kişand ser daxwazên Elewîyan û wiha got: ‘Dewlet dixwaze bi alîkarîyên sosyal Elewîyan girêdayî dewletê bike û ji gelek derfetan mehrûm bihêle. Elewî derbarê statuya îbadetxaneyê ya ji bo Cemxaneyan de pirsgirêk dijîn. Îqtîdar ji bo çareserîyê hewldanek nişan nade. Şaredarîyên CHP’ê jî wek îqtîdarê tev digere û tu alîkarî nade Elewîyan.