Parlamenterê CHP'ê yê Amedê Sezgîn Tanrikûlû yê ku pirsnameya wî ya derbarê pergala tramvaya Amedê de nehat bersivandin, dîsa mijarê anî rojeva Meclîsê.

Tanrikulu ji bo ku Wezîrê Gîhandin û Binesazîyê Abdulkadîr Uraloglu bi nivîskî bersivê bide ji Meclisê pirsname pêşkeş kir û wiha pirsî, "Li ser 'Projeya Sîstema Rêhesina nav Bajêr' a ku ji sala 2016'an û vir ve li Amedê di bernameya veberhênanê de ye de ti xebat nehatine kirin.Sedema nexebitê çî ye?

Ji bo ku proje dest pê bike wê gavên bi bandor û berbiçav bên avêtin? Îdîayên ku dibêjin pereyên ku ji bo projeyê hatîye dayîn ji bo karên din hatine xerckirin rast in?

Îdîayên ku dibêjin şaredarîyê 642 milyon TL fonê ku ji bo pergala tramvayê hatîye veqetandin paşve şandîye gelo rast in? Eger îdîayên ku behsa wan tê kirin rast bin, wê ji raya giştî re daxuyanîya pêwîst bê dayîn? Ji bo ku di demek herî nêz de proje were destpêkirin wê Wezareta we çi kar bike?”