Dîroka destpêkirina salnameya hilbijartinê wê 1ê Çileya 2024ê Duşemê be.

Lîjneya Bilind a Hilbijartinê wê di 2yê Çileyê de partîyên ku dikarin beşdarê hilbijartinê bibin eşkere bike.

Di 27’ê Çileya 2024’an de cîhê partîyên sîyasî di pusulaya dengan a hevgirtî de wê dîyar bibe.

Lîsteyên hilbijêran wê di 7'ê Sibatê de bi dawî bibe û destnîşankirina cîh û sindoqên ku hilbijêr lê deng bidin wê dest pê bike û ev pêvajo wê di 11'ê Sibatê de biqede.

Partîyên sîyasî wê 20ê Sibatê roja sêşemê saet 17:00’an lîsteyên namzetên xwe pêşkêş bikin.

Lîsteyên dawî yên namzedan wê 3ê Adarê roja Yekşemê ji alîyê lîjneyên hilbijartinê yên bajaran û navçeyan ve bên eşkerekirin.

Propaganda û qedexeyên hilbijartinê wê 21ê Adarê dest pê bike. Roja dengdanê wê di 31ê Adarê roja yekşemê de bê kirin.