Derket holê ku kuryeyê ku li Edeneyê di qaçaxçîtiya tiryakê de hatîye girtin, polês e.

Di lêgerîna ku di wesayîtê de hat tesbîtkirin ku wê ji Edeneyê ber bi Konyayê ve sewqîyata tiryakê bike de 25 kîlo eroîn hat bidestxistin. Di encama lêkolînan de derket holê ku kuryeye tiryakê polês e. Polês F.K. hat binçavkirin. Polêsan di lêkolîna telefona gumanbar F.K. de tespîtkir ku Serdozgerê Komarê Osman Yarbaş ê ku di Buroya Lêpirsîna Sûcên Terorê ya Serdozgerîya Komarê ya Edeneyê de dixebite der barê sewqîyata tiryakê de telîmat daye F.K. Di operasyonên ku li 4 parêzgehên ku navenda wê Konyayê ne de 20 kes hatin binçavkirin.

14 gumanbarên ku di nav wan da cîgirên serokên rêxistinê û polês jî hene hatin binçavkirin. Hat ragihandin ku Dozger Yarbaş ji karê xwe hatîye dûrxistin.